المنتدى العام خاصة بالنقاش الجاد العام للمواضيع الساخنة في الساحة (إختلاف الرأي لا يفسد للود قضية)

إضافة رد
 
أدوات الموضوع انواع عرض الموضوع
قديم 10-04-2008, 11:58 AM   #1
memed

عضو ذهبي

المعلومـات الاساسـية لمـقدم الطلـب اذا كان يرغب في التقديم

وارجـو من الاخـوة المقيمـين بالولايات المتحـدة في توصـيل المعلومات الصـحيحـة في مـسـألة مـلئ

فورمـات التقـديم وبعض الاسـئـلة الاخـرى التي قـد تطـرأ في هـذا الشـان
وسوف احاول بدوري انقل بعض المعلومات باللغة العربية


http://www.dvlottery.state.gov/application.aspx




الســــؤال رقم واحـــــد

وهو (الاسم) وبتقسم لتلاتة اقسام A, B, C

الاسم الاخير او اسم العائلة
الاسم الاول
الاسم الاوسط
هذا السؤال يبدو بسيطا ولكن كثير من المتقدمين بيقعوا في خطا عن طريق الاستعجال
فيكتب اسمه بالطريقة التي درجنا علي استعمالها في اللغة العربية وهي ان يبدا الاسم
باسم المتقدم ثم اسم والده ثم اسم جده ثم اسم ابو جده ...وهكذا....ارجو ان ينتبه المتقدم
ان يبدا باسمـه الاخير(اسم العائلة)في الخانة A ثم يقوم بتعبئة اسمه في الخانة B ثم بعد
ذلك اسم والده في الخانة C.

تعقيب هام
بالنسبة لينا كسودانيين يجب ان ننتبه لمسالة هامة وهي دايما الاسم بكون رباعي في جوازاتنا
عليه يجب ان يكون اسم العائلة هو الاسم الاخير واسمك الاول كما هو كما يمكنك ان تعبي في خانة
اسمك الاوسط اسم والدك وجدك سويا.... مثلا زول اسمه ( احمد عبدالله خالد عمر)
بيكتب في خانة الاسم الاخير او اسم العائلة: عـمـر
الاسم الاول : احمد
الاسم الاوسط : عبد الله خالد

[U]نقطة اخيرة

يجب ان ينتبه المتقدم لضرورة كتابة اسمه( بالاسبيلنق) الصحيح وعدم الاستعجال في ذلك ويفضل
ان تملا جميع البيانات بالحروف الكبيرة في اللغة الانجليزية( كابيتال ليترز)


الـســؤال رقـم اثنين (2)

وهو تاريخ الميلاد.... كثير من المتقدمين بيتسائلوا عن ماهية كتابة تواريخ ميلادهم وفقا
لشهادات تسنينهم. وديل طبعا اصلا ما بكون عندهم شهادات ميلاد..الشيئ الدايرين ناكد عليهو
هو انو شهادات التسنين دي شهادات مقبولة تماما لدي السلطات الامريكية طالما انها طالعة
من جهة حكومية ورسمية بها الختم والتوقيع... عليه مافي زول يشيل هم اذا كان عنده شهادة
تسنين ممكن يكتب في طلب القبول نفس تاريخ تسنينو دا وما بتجيهو عوجة..بس.. لازم كمان
يكون تاريخ التسنين متطابق مع ماهو مكتوب في جواز سفره.

معلومة هامة

لاحظت ان بعض الجوازات السودانية ما بكونوا كاتبين فيها تاريخ الميلاد كاملا... يعني ما بيكتبوا
اليوم والشهر والسنة...تلقاهم كاتبين سنة الميلاد بس.
طيب في الحالة دي المتقدم لازم يكتب في طلب التقديم تاريخ ميلاده وفقا لشهادة ميلادوه عشان لو فاز
في المعاينة حا يطلبوا منه احضار شهادة ميلاده...دي نقطة هامة لازم ننتبه ليها.

الـســؤال رقم ثلاثـة (3) (3)

تحديد نوع المتقدم ( ذكــر....انثى)

الـسـؤال رقم اربعـــة (4)

المدينة التي ولد بها مقدم الطلب... ودي لازم ننتبه لانة تكون مطابقة لما هو موجود
في شهادة الميلاد

الـسـؤال رقم خـمـســة (5)

وهو كتابة اسم بلد مقدم الطلب.

الـســؤال رقم ســتة (6)

وهو اكثر الاسـئلة التي يحدث فيها كثيرا من اللبس... طيب نقوم نترجم السؤال
دا ترجمة عامـة. بنلقى انو بقول:

بلد الاستحقاق لبرنامج الهجرة
غالبا ما يكون بلد الاستحقاق هو نفس البلد الذي ولدت فيه. بلد استحقاقك
ليست له اية علاقة بالمكان الذd تعيش فيه الان.

طيب الكلام دا معانتو شنو؟....وبينطبق علي حالتك كيف؟
الحاجة الاولى المفروض ننتبه ليها هي انو السؤال دا بنقسم لي جزئين...كويس

الحالة الاولى: نقوم نفترض انك سوداني ومولود في السودان وعايش الان في السودان
طوالي هنا اجابتك في الجزء الاول من السؤال بتكون بي (نعـم) وتسيب الجزء التاني
من السؤال (فاضي).
الحالة التانية: نفترض انك سوداني ومولود في اي بلد لكنك لا تحمل جنسية ذلك البلد
وعايش الان في ذلك البلد( مثلا انت سوداني ومولود في السعودية ولكنك لا تحمل الجنسية السعودية)
طوالي هنا اجابتك عن الجزء الاول من السؤال بتكون (لا) والجزء التاني من السؤال بتقوم تختار السودان.
الحالة الثالثة:نفترض انك سوداني وولدت بالسودان ولكنك الان تعيش في اي دولة في العالم.مثلا
سوداني وبتحمل الجنسية السودانية ولكن لظروف عملك انت تقيم الان بالامارات مثلا)
تقوم طوالي تجاوب علي الجزء الاول من السؤال بي (نـعـم) وتسيب الجزء التاني منه (فاضـي).
الحالة الرابعة: نفترض انك سوداني واتولدت في السودان وتحمل الجنسية التشادية مثلا
اجابتك عن الجزء الاول من السؤال بتكون (لا) وفي الجزء الثاني تقوم تختار تشاد.


وبكـــدا بنكون في السليم


الـســؤال رقم سـبـعة (7) الـصـورة

الصـورة كما ذكرنا انفا هي من اكثر الاشياء التي تتسبب في قبول او رفض طلب التقديم بل
هي السبب الرئيسـي في ذلك, لذلك قررنا ان نفرد لها مجال اكبر في كيفية ضبط مقاساتها
والتاكد من جودتها قبل القيام بعملية ارسال الفورم.
يلا نبدأ خطوة خطوة

في البدء كدي الندخل هنا ونتعاين الصور الموجودة في الرابط دا:

http://www.dvlottery.state.gov/photo.aspx

بنلقى انه موجود العديد من النماذج لكيفية الصور الجيدة وبعض النماذج للصور الغير جيدة
طيب اول حاجة ممكن نفكر فيها هي المقاسات.... المقاسات المطلوبة للصورة هي 600 بكسل في 600
بكسل ودي نقطة هامة هامة هامة شديد لانه السنين الفاتت المقاسات كانت 300 بكسل في 300 بكسل
والسنة دي اتغيرت عليه يجب ان ينتبه الناس لهذا....الشيئ التاني المفروض الناس تنتبه ليه هو
انه في موقع التقديم في ايقونة مخصـصـة لاختبار صلاحية الصور, هذه الايقونة بتختبر المقاسات فقط
المقاسات فقط ولا تختبر الاشـياء الاخرى مثل ( خلفية الصورة-درجة الوضوح في الصورة-الضلال-....الخ)
عليه لا يجب الاعتماد علي هذه الايقونة كليا لمراجعة صلاحية الصور لانها زي ما قلنا بتراجع المقاسات
Quote: بشيئ بسيط جـدا والشرط دا خاتنو وما ظاهر لكتير من الناس او الناس بتمر عليهو باعتبار انو ما شرط

مهم وهو يجب ان تكون ملامحك طبيعية في الصورة ( اي ابتسامـة بتقوم قطرك) يعني ما تبتسم خالص

ولا تظهر سنونك... دي حاجة الحاجة التانية طبعا زي ما هو معروف انو لازم لون الخلفية يكون لون محايد

ويفضل اللون الابيض بس كمان ما ممكن الخلفية يكون لونها ابيض وتكون انت لابس ابيض كمان- دا طبعا

بيخفي ملامح الكتف ودي حاجة ما دايرنها. ديل نقطتين هامتين يجب علي المتقدم مراعاتهما

واتمني حظ اوفر للجميع







التعديل الأخير تم بواسطة memed ; 10-04-2009 الساعة 09:04 PM
  رد مع اقتباس
قديم 10-04-2008, 10:58 PM   #2
Abu Ayah

مشرف منتدى الإدارة والاقتصاد
افتراضي

مشكووووورين
ميمد اخوي
بس انشاء الله تصدق معانا
السنة
دي ...
المشكلة في الصور دائما ...
تمنياتنا للجمع بالتوفيق ،،،





  رد مع اقتباس
قديم 10-04-2008, 11:23 PM   #3
أبو البنيات

افتراضي

الأخ ميمد شكرا على المعلومة ولكن لدي سؤال هل تاريخ الميلاد المذكور في الجواز أو في شهادة الميلاد الذي يجب أن يذكر لأن لدي لخبطة شديدة تاريخ شهادة الميلاد يختلف عن تاريخ الجواز وكذلك مكان الميلاد فأيهما مطوب ذكره؟؟؟؟ وجزيت عنا ألف خير





  رد مع اقتباس
قديم 10-05-2008, 07:23 PM   #4
بركات بشير نجار

مشرف التطوير والتنمية
افتراضي

اقتباس:
المشاركة الأصلية كتبت بواسطة abu ayah مشاهدة المشاركة
مشكووووورين
ميمد اخوي
بس انشاء الله تصدق معانا
السنة
دي ...
المشكلة في الصور دائما ...
تمنياتنا للجمع بالتوفيق ،،،
ابو ايه
قول بسم الله
سبحان الله انت كمان دار تمشي اميركا.... طيب نحنا نعمل شنو؟؟؟؟؟؟
اتوقع انها هضربة الوصول الى الخمسمية وممارسة خقك في المظاهرة
تحياتي





  رد مع اقتباس
قديم 10-05-2008, 07:25 PM   #5
بركات بشير نجار

مشرف التطوير والتنمية
افتراضي

اقتباس:
المشاركة الأصلية كتبت بواسطة أبو البنيات مشاهدة المشاركة
الأخ ميمد شكرا على المعلومة ولكن لدي سؤال هل تاريخ الميلاد المذكور في الجواز أو في شهادة الميلاد الذي يجب أن يذكر لأن لدي لخبطة شديدة تاريخ شهادة الميلاد يختلف عن تاريخ الجواز وكذلك مكان الميلاد فأيهما مطوب ذكره؟؟؟؟ وجزيت عنا ألف خير
ابو البنيات
تحياتي
انشا الله الاسم يكون واحد بس في الشهادة والجواز
تحياتي





  رد مع اقتباس
قديم 10-05-2008, 08:59 PM   #6
memed

عضو ذهبي
افتراضي

الاخ ابو اية

حاول هذه المرة ونتمني لك التوفيق

راجع شروط الصورة كويس





  رد مع اقتباس
قديم 10-05-2008, 09:07 PM   #7
memed

عضو ذهبي
افتراضي

ود العمة (ابوالبنات)

المعلومات الموجودة في شهادة الميلاد و الجواز لازم يكون واحد وايضا الاسم في الشهادت

وحاول الاحتفاظ بيصورة من الفورم قبل ارساله


ونتمني لك التوفيق






التعديل الأخير تم بواسطة memed ; 10-05-2008 الساعة 09:10 PM
  رد مع اقتباس
قديم 10-05-2008, 09:21 PM   #8
Abusara

افتراضي

الحاجة المستغرب ليها انا يا ميميد انو واحد يكون مقيم فى ارض الحرمين الشريفين وعاوز يجى امريكا
انا مستعد اتنازل عن الجنسية الكندية والاقامة الامريكية اذا فى واحد عاوز يبادلنى باقامة فى السعودية
ممكن واحد يا جماعة الخير يدلنى كيف اتحصل على الاقامة فى السعودية وان شاء الله بدون شغل .. المهم
اكون مقيم اقامة شرعية .. وهذا يكفى





  رد مع اقتباس
قديم 10-05-2008, 09:41 PM   #9
Kazzz

مشرف منتدى المهندسين
افتراضي

ابو سارة

كما قال عادل امام "اللي مبيعرفش يقول عدس"

المرور الكرام
اكتب عنوان في امريكا يعني شوفوا عنوان واحد من الشباب

كاززززززز





  رد مع اقتباس
قديم 10-06-2008, 02:19 AM   #10
memed

عضو ذهبي
افتراضي

الـســؤال الـثـامــن (8)


8a. In Care Of
8b. Adress Line 1
8c. Adress Line 2
8d. City/Tow
8e.District/county/Province/State
8f. Postal Code/Zip Code
8g.Country

الجز الاول: ودا بيلجأ ليه معظم من لا يثق في الخدمات البريدية في المنطقة التي يسكن بها او ليس
لديه عنوان ثابت...معظم الناس بيقوموا بستعملوا عناوين ناس تانيين لهم بهم معرفة, وانا انصح
دايما بان يستخدم المتقدم عنوان شخص بيعرفه في امريكا لانه الخدمات البريدية هنا ممتازة وخطاب
فوزك اذا يسر لك ان تفوز لن يضيع ابدا....اها هنا في الجزء دا بتكتب اسم هذا الشخص الذي ستستعمل
عنوانه. واذا كنت لا تريد ان تستخدم عنوان اي شخص ولديك ثقة في الخدمات البريدية في المكان الذي تسكن فيه فيمكنك كتابة اسمك انت وتكملة بيانات عنوانك. اما اذا استعملت عنوان غيرك فلازم تكتب عنوان
الزول الغيرك دا كاملا
الجزء الثاني والثالث: ودا اسم الشارع ورقمه ورقم المنزل
الجزء الرابع: اسم المدينة
الجزء الخامس:اسم المحافظة اوالمقاطعة او المديرية او الولاية
الجزء السادس: الرقم او الرمز البريدي
الجزء السابع:اسم البلد

اود ان انصح بان يستخدم المتقدم عنوان شخص بيعرفة بامريكا فهي الاكثر ضمانا حتى لا يضيع
مظروف فوزك اذا قدر لك الفوز.

الـســؤال رقــم تـســعـة (9)
ود بنكتب فيه اسم البلد الانت عايش فيها الان.

الـســؤال رقــم عـشــرة (10)
ود بنكتب فيه رقم التلفون. الملاحظ ان الاجابة عن هذا السؤال اختيارية ولكنها
مهمة جدا وانصح جميع المتقدمين من ملئ هذه الخانة وعدم تركها خالية رقم اختيارية
الاجابة عليها.( قم بكتابة رقم تلفونك كاملا بمفتاح البلد والمدينة التي تسكن فيها)

الـســؤال رقــم احـد عشــر (11)
وهو كتابة عنوان البريد الاليكتروني وهو لا يقل اهمية عن كتابة رقم التلفون. السؤال
الذي وردني من كثير من الاخوة الذين راسلوني في الايميل بتكلم عن انه ( هل كتابة الايميل
(العنوان البريدي) تكفي للمراسلة؟؟؟) الاجابة هي (لا) لانه العنوان البريدي هو الاكثر اهمية
وهو العنوان الحا يرسلو ليك بيه لو فزت وليس العنوان الاليكتروني. عشان كدا الاجابة عن
السؤال (11) دا اختيارية ولكن الاجابة عن السؤال (8) وهو السؤال الذي يطلب فية كتابة عنوانك البريدي دائما اجبارية.

الـســؤال رقم اثني عـشــر (12)
وهو ( ما هو اعلى مستوي تعليمي وصلت اليه حتى تاريخ اليوم؟)
وعندك عشرة خانات تختار منها اعلي مؤهل اكاديمي لك. اقل مؤهل مقبول هو درجة النجاح في الثانوية
العليا.او ان تكون عامل ماهل في مهنة تحتاج علي الاقل لعامين من الخبر والتدريب. اذا كنت متشككا
في امكانية قبول مهنتك يمكنك الرجوع لهذا الرابط htt://online.onetcenter.org
ويمكنك اختبار مهنتك في هذا الرابط لترى هل هي مقبولة ام لا...الرابط دا طبعا للمتقدمين الذين لم
يحصلوا علي الشهادة الثانوية او اي مؤهل اكاديمي اعلى منها.





  رد مع اقتباس
قديم 10-06-2008, 02:25 AM   #11
بركات بشير نجار

مشرف التطوير والتنمية
افتراضي

اقتباس:
المشاركة الأصلية كتبت بواسطة abusara مشاهدة المشاركة
الحاجة المستغرب ليها انا يا ميميد انو واحد يكون مقيم فى ارض الحرمين الشريفين وعاوز يجى امريكا
انا مستعد اتنازل عن الجنسية الكندية والاقامة الامريكية اذا فى واحد عاوز يبادلنى باقامة فى السعودية
ممكن واحد يا جماعة الخير يدلنى كيف اتحصل على الاقامة فى السعودية وان شاء الله بدون شغل .. المهم
اكون مقيم اقامة شرعية .. وهذا يكفى
ابو سارة
تحياتي
كل سنة وانت طيب،،،
اها جينا للكلام الجد انا مستعد اعمل ليك اقامة نظامية واديك بيت بعفشوا وايجار 6 شهور مدفوع وكمان كريسيدا دايره ليها شوية تصليحات عشان تمشي بيها السودان خليك مكة والمدينة، بس انت شوف لينا طريقة دخول ساكت لكندا او اميركا
وناس الشغل بعمل ليك معاهم واسطة تشتغل في جريدة الحياة مترجم وله صحافي وله اي حاجة
كل العرض مقدم ليك مقابل الوصول الى كندا او اميركا... اها رايك شنو؟؟؟
ياخوي الحرمين دي المصريين بجو يغسلوا فيها اوساخهم ويمشوا وكذلك بقية مسلمي العالم، ونحنا نتحمل عواقبها هنا من خلال الكفيل...الخ.
تحياتي





  رد مع اقتباس
قديم 10-06-2008, 10:37 AM   #12
مصعب محمد عثمان

عضو ذهبي
افتراضي

شكرا للعزيزmemed على المجهود ...
بدينا في التقديم ومازالت مشكلة الصورة قائمة ...
طبعا بعد ما إخترت المقاس وعملت حفظ ... الصورة طلعت ما واضحة
بركات ما في طريقة ... خليك هنا (القال ليك تجي منو؟)





  رد مع اقتباس
قديم 10-06-2008, 01:17 PM   #13
العمدة

مشرف المنتدى العام
افتراضي

محمد اسطول لك التحية

مشكور على المعلومات المفيدة لكثير من الشباب، طبعا هي لا تهمنا كما قال بركات لأبوآية، لكن بالامس القريب حضر لي احد الشباب لأملأ له االفورم وطلبت منه ان يحضر لي صور من اوراقه لتكون مطابقة تماما.





  رد مع اقتباس
قديم 10-07-2008, 12:36 AM   #14
memed

عضو ذهبي
افتراضي

abusara الكندي الامريكي

السنة الفاتة كنت بتمدح للسودان ومشيت شوفت الحاصل شنوا وقتنعة

اتمني كمان تزور ارض الحرمين وادخل اول جمعية واسال الشباب عن مشاكلهم مع الكفيل بس






  رد مع اقتباس
قديم 10-07-2008, 12:39 AM   #15
Ali zumrawi

افتراضي

kazz
Lentil in Canada, US or in the hollyland





  رد مع اقتباس
قديم 10-07-2008, 12:39 AM   #16
memed

عضو ذهبي
افتراضي

الاخ مصعب محمد عثمان مسكاقمي

ماتستعجل لسع الوقت كافي ظبط الصورة كويس

وبالتوفيق انشاء الله





  رد مع اقتباس
قديم 10-07-2008, 12:41 AM   #17
memed

عضو ذهبي
افتراضي

مصعب مسكاقمي

ماتستعجل لسع الزمن كافي ظبط الصورة كويس

وبالتوفيق انشاء الله





  رد مع اقتباس
قديم 10-07-2008, 12:54 AM   #18
memed

عضو ذهبي
افتراضي

العمدة ابن عمي

ايوة امريكا للشباب العندهم طاقة يشتغلوا 16 / 20 ساعة في اليوم

انتو تعالو هنا عندنا في اوربا ساعات العمل بسيطه والحياة بسيطه ومريحة





  رد مع اقتباس
قديم 10-07-2008, 02:37 AM   #19
Abusara

افتراضي

يا ميميد
قرانا فى الصحف ان الحكومة السعودية سوف تقوم بالغاء نظام الكفيل ابتداء من العام القادم وبعد كده الكفالات كلها حتتحول للحكومة السعودية فقط وما فى زول حيسلط على رقاب الناس وذلك بعد ان اقتنعت الحكومة السعودية بان نظام الكفالة الشخصية استعباد للبشر .. وعرفنا ان سمو الامير طلال بن عبد العزيز هو الذى قدم توصية بهذا الامر ووعدت الحكومة السعودية بالغاء نظام الكفيل من العام القادم





  رد مع اقتباس
قديم 10-07-2008, 09:53 AM   #20
مصعب محمد عثمان

عضو ذهبي
افتراضي

اقتباس:
المشاركة الأصلية كتبت بواسطة memed مشاهدة المشاركة
مصعب مسكاقمي

ماتستعجل لسع الزمن كافي ظبط الصورة كويس

وبالتوفيق انشاء الله
مشكور جدا على الإهتمام وصابر مع الأيام ...
ولكن حظنا في الدنيا دي ماعارفين عملنا شنو ..زي ..





  رد مع اقتباس
قديم 10-08-2008, 02:11 PM   #21
Abo-goodama

عضو ذهبي
افتراضي

بسم الله الرحمان الرحيم.
السلام عليكم ورحمة الله وبركاته.

مجرد راي من محب لك و هذا واجبنا

والله الدخلوا كويس بين اهله و اولاده احسن ,,, والبيقدر يجد ليه طريقة دخل في السودان احسن,,, احسن ما يفكر عديل كده في السفر لانو الفائده فقط من تلك الدوله في فرق العمله هذا من ناحية الاقتصاد و النواحي الاخري لا تحتمل ,,,اهو حتفارق الاهل والاحباب و بلدٌ عق بها تمائمي و بلداً فيها العفاف والجود والكرم
تريس يا ود الاخو و لا تستعجل ,,
اخوكِ المحب لك في الله ابو قدامه






التعديل الأخير تم بواسطة Abo-goodama ; 10-08-2008 الساعة 02:16 PM
  رد مع اقتباس
قديم 10-10-2008, 09:31 PM   #22
احمد شيركة

عضو ذهبي
افتراضي

بسم الله الرحمن الرحميم

شكرا للعزيز ميمد على المجهود

بدينا فى التقديم بس انشاء الله تصدق
معانا السنة دى
(دعواتكـــــــــــــــــــــــــــــم معانـا)





  رد مع اقتباس
قديم 10-11-2008, 01:20 AM   #23
hushameldeen

افتراضي

الرائع ميمد اسطول
كل سنة وأنت طيب
طولت ما دخلت موقع كرمة لظروف العمل
لك التحية وانت تمدنا بمعلومات قيمة عن الهجرة لأمريكا
بالنسبة لسوألك عن العنوان ممكن يكتبوا عنواني في أمريكا
Street Address:1513 Cameron Crescent Dr
Apt Number : 12
City : Reston
Estate : VA
Zip Code : 20190
Country : United Estate of America
الأسم Husham Osman
مع تحياتنا للجميع بالتوفيق






  رد مع اقتباس
قديم 10-11-2008, 03:03 PM   #24
جيفارا

افتراضي

كعهدى بك دوما يا صديقى ورفيقى تحرج الاصالة نفسها باصالتك





  رد مع اقتباس
قديم 10-15-2008, 11:20 AM   #25
memed

عضو ذهبي
افتراضي

Abo-goodama

شكرا علي المرور والنصيحة
بس يااخوي في السودان عشان دخلك يكون كويس لازم تكون مؤتمر وتكون لاوطني






التعديل الأخير تم بواسطة memed ; 10-15-2008 الساعة 11:22 AM
  رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
لميس وام لميس من سانت كاثرين الي امريكا kamal aabas منتدى الأعضاء و الترحيب و التهاني و الترفيه 1 12-19-2012 12:23 PM
اللوترى 2010 عطاف سعيد المنتدى العام 0 10-22-2008 08:38 AM
قصة أفضل لاعب أنجبته الملاعب السودانية مصعب محمد عثمان منتدى الرياضة و الشباب 6 06-25-2008 06:03 PM
وزير الدفاع يكشف رحلة المتمردين من تشاد الي امدرمان صلاح الحاج المنتدى العام 16 05-21-2008 04:45 PM


شات تعب قلبي تعب قلبي شات الرياض شات بنات الرياض شات الغلا الغلا شات الود شات خليجي شات الشله الشله شات حفر الباطن حفر الباطن شات الامارات سعودي انحراف شات دردشة دردشة الرياض شات الخليج سعودي انحراف180 مسوق شات صوتي شات عرب توك دردشة عرب توك عرب توك


الساعة الآن 09:39 AM.


Powered by vBulletin® Version 3.8.7, Copyright ©2000 - 2014, Jelsoft Enterprises Ltd. TranZ By Almuhajir
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل الرأي الرسمي لأصحاب الموقع أو منتديات رمال كرمة (قسكو تيق) بل تمثل وجهة نظر كاتبها .