منتدى الثقافة والأدب الثقافة والأدب . قصائد العتاب، الحب، الشوق، و الأدب الراقي

إضافة رد
 
أدوات الموضوع انواع عرض الموضوع
قديم 01-26-2011, 12:17 PM   #1
عشمانه

عضو ذهبي

صالح عام

هديمك ياوليد
مقدود

وصابحنا الفقر
والجوع

صبح بطن الجلد
مشدود

1
1
شن بنسوا واخوك

من شهر مرفود

قالوا صالح عام

عشان قال العوج

فى العود

حمد يارب

اخيرا من قول

هديك البغله

فى الابريق

وكان ودوهو

بيت الاشباح

وكان دقو

زول هلفوت

هديمك يا وليد

مقدود

وصابحنا الفقر

والجوع

صبح باب التكل
مسدود

كمل حتى الملح
فى البيت

وكت ملح الدموع
موجود!

دحين ياوليد
هن ديل
مو
قالوا ناس انجاز

وشن سولنا
مما جونا
غير حرقوا
الفضل
بالجاز

كل شيتا صعب

فى السوق
من الكبريته

للطابوق

وكان جانا البخت
تموين
رطيل سكر
وصابونتين

نجيب من وين؟

واخوك مرفود!

وعدمان الشهر ملين!

امس زازيت

اكوس الدين

مشيت لسميه بت مامون

لقيت جابولها تلفزيون

سمح بالحيل

تشوف الصوره بى كم لون

وكت فى نشره الاخبار

ظهر مك البلد يضحك

جضومه كبار

مزرر الكرش بزرار

لامهموم

لامغموم

لا زعلان

وشيهو يرارى بلالوان

وقدددد فى حشاى تباق نار

طريت رفد الوليد
والجوع

وسال دمع الغبينه

الحار

اريتك ياملك
فد يوم

يخلى الجوع عينك

ماتنوم

اريتك ياملك

فد يوم
تحس بى غصة

المظلوم

!
دحين ياوليد

هو ديل مالم

ومال الدين!

وكت قولم

كلام الله

وفعالم ما فعال

صالحين

كتير فيهم

عديل حقار

وبالقران كمان

تجار

وكضابين

اكان بنزين عدم

والجاز

وتعبو الناس
وضاقوا خلاص

صفوف واقفين

يقولولك

ارادة الله

وكان عدم الرخيص

والغالى

فى التموين

يقولولك

ده غضب الله

وكان المويه

صبحت طين

يقولولك

ده من امريكا

والعملا

حمونا الشب

ولاد الكلب

عشان الشعب

يحرن تب

يقبل من صراط

الدين

دحين يا وليد

هو ديل مالم

ومال الدين

اكان كنزو الدهب

والمال

بلاينهم

تسوى جبال

وعرباتهم تخطف

العين

وبنياتهم قصور

فى قصور

وحاة الله

وكتاب الله

اكان ادونا

طوب فد سور

اكان سوينا

الف اويضة

لي مسكين

فترنا من الخطب ياوليد

ومن طيش العقيد وعميد

ومن قال القرش فى الايد

ومن تعب الوقوف فى الصف

ومن غبن الرصع بالكف

ومن حفر الدروب والف

ومن خت العلم فى الرف

وكل يوم

نقيحنا يزيد

دحين ياوليد

هو كم دغشا

عشان نلقاهوا

دافرنا

وتعبنا شديد

وكم حولا صيامنا

صبر

عشان يشرق هلال

العيد

احى ياوليد

لا حتى الخبيز

انضاف

ولاهدمن كسانا

جديد

وشوف المغصة

ياوليد

سمو شقانا

صالح عام

وكل دمعا نزل

من عين

وكل جوعا سكت

بالدين

وكل زينا

محاهو الشين

ختو وقيعتوا

فى الاسلام

!
حراميهم ياوليدى

حلال

واحنا حلالنا كل

حرام
!
يقلبوا الدين

نصل سكين

وناسين الحساب

قدام

اخر الزمن

ياوليد

نشوف البشاتين

الوان

يفوت هولاكو

دوب نرتاح

ينط فى الكرسي

نابليون

!
!
!
اريتك يا امير
حالي

جعيص فى الكرسى

فى الخرتوم

وساويلك الف والي

نبايع للظلم والجوع

نبايعك وكل ضيم

مشروع

نبايعك وجيتنا

جيش ودروع

نبايعك والقسم

مخدوع

اخر زمن ياوليد

حصيف العين

يلاقى يشوف

زمان ظلم السلف بالسيف

وحسع السيف كلاشينكوف

غير زمن الهوان والجوع

كمان طلع زمان الخوف

ديل ما برتو لى انسان

كم ولدا وقع نشفان

وكم زهرا كتل واتحت فى رمضان

لا شهرا حرام انصان

لا كفننا ستر صبيان

لا شاهد قبر معروف

لا اما برد نارا

سكت وارتاح نزيف الجوف

دحين ياوليد اكان هسع

ده ديش مصعب

وا كان ده بيرق

على الكرار

منو القاصدينوا

بالتكبير

وبالتهليل

وضرب النار
!
اخاف احنا

وكان احنا
!

اخير نضحك
كتير سبب

الضحك بخته

شوف المغصة

ياوليدى

ديل هسع ما ناس

حقار

ده زى دق الطبول للموت

وزى وقد البلد بالنار


11

الا نشوف

اكان ساهرين
معاك ياجوع

وكان ضيقنا
اتحفر فى ضلوع

وكان صابرين
على الفجار

وححححاة الله
وكتاب الله

وكت نغلي

لا سورا بقيف

فى وش

ولا لهب الغبن

بترش

ولا صفا

يميل بالقش

وكل ظالمن يقع

يندش

وسيل دمع البلد ينقش

لا بحبس حلقنا الخوف

ولا بنرجع اكان لعلع كلاشنكوف

هديمك ياوليد

مقدود

وصابحنا الفقر

والجوع

وصبح جلد البطن

مشدود

شن بتسوى

واخوك من شهر

مرفود

قالوا صالح عام

عشان قال

العوج فى

العود
!
!
نان ما يقول

اريت يقول

عديل يازول

هديك البغله

فى الابريق

ما هامينا صالح عام

وديش مصعب ولا الحجاج

ولا بكتل
قلبنا الجوع

وموت منقذنا
ولا الضاج

خلي الضيق

يزيد ياوليد

بكرة الضيق

يزيد ياوليد

بكرة الضيق يخلي الناس

تبقى عصارة على الحقار

وتبقى حريق

قريب يا وليد

صيامنا يتم

ويهل ويشرق

هلال العيد

ونحس طعم

الخبيز

ويتبدل هدمنا

جديد
!!!!!!!!!!!!!!!!!!!!!!!!!!!!!!!!!!


اااااااامممممممممين






التعديل الأخير تم بواسطة عشمانه ; 01-26-2011 الساعة 12:24 PM
  رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
(موندكورو) .. قصيدة الاستاذ هشام صديق الجديدة عن الانفصال هشام عباس المنتدى العام 17 01-16-2011 04:52 PM
باباية ونخلة / هاشم صديق SAMIR KARMA المنتدى العام 3 10-06-2010 09:26 PM
عشرين سنة....قصيدة جديدة للشاعر المناضل عصام اباش بركات بشير نجار منتدى الثقافة والأدب 2 11-17-2009 07:19 AM
اشواقي تولد في كرمة (قصيدة جديدة)! للشاعر مولانا عبد الاله زمراوي مدحت عثمان(فريقنتود) المنتدى العام 10 10-26-2008 02:50 PM
غب يا هلال للشاعر عبدالرحمن العشماوي sadigeen منتدى الثقافة والأدب 1 10-19-2008 01:07 AM


شات تعب قلبي تعب قلبي شات الرياض شات بنات الرياض شات الغلا الغلا شات الود شات خليجي شات الشله الشله شات حفر الباطن حفر الباطن شات الامارات سعودي انحراف شات دردشة دردشة الرياض شات الخليج سعودي انحراف180 مسوق شات صوتي شات عرب توك دردشة عرب توك عرب توك


الساعة الآن 02:29 PM.


Powered by vBulletin® Version 3.8.7, Copyright ©2000 - 2014, Jelsoft Enterprises Ltd. TranZ By Almuhajir
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل الرأي الرسمي لأصحاب الموقع أو منتديات رمال كرمة (قسكو تيق) بل تمثل وجهة نظر كاتبها .